اسلام آباد(بيورو رپورٽ)پاڪستان جي سول ۽ فوجي قيادت چند ڪلاڪن جي اهم سعودي عرب جي دوري تان واپس اچي ويا آهن. جده ۾ جمعي تي ٿيل ملاقات بابت حڪومت پاران جاري بيان ۾ چيو ويو آهي ته ٻنهي ملڪن خطي ۾ امن لاءِ گڏيل ڪوششون جاري رکڻ تي اتفاق ڪيو آهي. ملاقات ۾ اسحاق ڊار ۽ فيلڊ مارشل به شريڪ ٿيو. سعودي روانگي ڳان اڳ وزيراعظم شهباز شريف ايران جي صدر مسعود پزشڪيان سان ٽيليفون تي ڳالهه ٻولهه به ڪئي هئي. هن ملاقات کي ايران سان لاڳاپيل جنگي صورتحال جي پسمنظر ۾ تمام اهم سمجهيو پيو وڃي. بيان ۾ چيو ويو آهي ته وزيراعظم شهباز شريف ملاقات دوران سعودي عرب طرفان پاڪستان جي ڊگهي عرصي کان جاري مدد ۽ حمايت تي شڪريو ادا ڪيو۔ هن موجوده ڏکي صورتحال ۾ سعودي عرب سان مڪمل حمايت ۽ يڪجهتي جو اظهار ڪيو ۽ يقين ڏياريو ته پاڪستان هميشه سعودي عرب سان گڏ بيهندو ۽ علائقي ۾ امن جي ڪوششن ۾ ساٿ ڏيندو۔
بيان موجب ولي عهد ۽ پاڪستاني وزيراعظم دنيا ۽ علائقي جي سلامتي ۽ استحڪام تي تازي فوجي تڪرار جي اثرن بابت خاص ڳالهيون ڪيون۔
هن ملاقات ۾ سعودي گزيٽ موجب سعودي عرب جي جنرل انٽيليجنس ڊائريڪٽوريٽ جو سربراهه خالد الحُميدان به موجود هئا.
هي دورو اهڙي وقت ٿيو آهي جڏهن ايران خلاف آمريڪا ۽ اسرائيل جي گڏيل ڪارروائين جي جواب ۾ تهران وچ اوڀر ۾ آمريڪي فوجي اڏن کي به نشانو بڻايو آهي۔ پاڪستان انسٽيٽيوٽ فار ڪانفلڪٽ اينڊ سيڪورٽي اسٽديز جي ڊائريڪٽر عبدالله خان سپوتنڪ سان ڳالهائيندي چيو ته پاڪستان سعودي عرب ۽ عرب اتحادين سان پس پرده رابطن ذريعي اهو چئي رهيو آهي ته اهي ايران خلاف اسرائيلي حڪمت عملي ۾ ڦاسي استعمال نه ٿين، جڏهن ته ٻئي طرف ايران کي قائل ڪرڻ جي ڪوشش ڪري رهيو آهي ته تڪرار کي وڌيڪ وڌائڻ خود ان لاءِ فائديمند نه هوندو۔
پاڪستان جي پرڏيهي وزير اسحاق ڊار ان کان اڳ چيو هو ته اسلام آباد تهران کي سعودي عرب سان پنهنجي دفاعي معاهدي جي ياد ڏيارائي آهي۔ سينيٽر مشاهد حسين هن صورتحال تي تبصرو ڪندي سماجي ميڊيا تي لکيو ته پاڪستان کي هن پيچيده صورتحال ۾ وڏي مهارت ۽ نفاست سان سفارتڪاري ڪرڻي پوندي ۽ اهو يقيني بڻائڻو پوندو ته پاڪستان ڪنهن به ڄار ۾ نه ڦاسي۔