اسلام آباد: (بيورو رپورٽ) ناڻي واري وزير محمد اورنگزيب چيو آهي ته آءِ ايم ايف سان اسٽاف ليول ايگريمينٽ ٿي چڪو آهي.وفاقي راڄڌاني ۾ پريس ڪانفرنس کي خطاب ڪندي محمد اورنگزيب چيو ته پاڪستاني معيشت صحيح رستي تي گامزن آهي. گذريل 4 کان 6 هفتن ۾ ڪهڙي ڊوالپمينٽ ٿي انهي تي ڳالهائينداسين.هن چيو ته آءِ ايم ايف سان اسٽاف ليول ايگريمينٽ ٿي چڪو آهي، ڪلائميٽ فنانسنگ تمام گهڻو ضروري آهي اصلاحات جي عمل ۾ اڳڀرائي جاري آهي. حڪومت اصلاحات تي عمل ڪري رهي آهي. اسان کي گروٿ ۾ تسلسل برقرار رکڻو آهي. ايڪسپورٽس ۾ 5سيڪڙو اضافو ٿيو آهي.وفاقي ناڻي واري وزير چيو ته ايڪسپورٽس اسان جي مدد ڪري رهي آهي. مينو فيڪچرنگ جي شعبي ۾ بهتري خوشي جوڳي آهي. پائيدار ترقي لاءِ ادائيگي جو توازن ۽ ڪرنٽ اڪائونٽ اهم آهن.محمد اورنگزيب چيو ته آءِ ٽي شعبي ۾ ماهوار بنيادن تي بهتري ڏٺي پئي وڃي اسان امپورٽ تي به نظر رکي آهي. ناڻي جي مٽاسٽا ۾ به اضافو ٿي رهيو آهي. رات ڀيٽ ۾ ڪجهه به ممڪن نه آهي. هن چيو ته وزيراعظم چيو ته پرائيويٽ سيڪٽر ئي ملڪ جي اڳواڻي ڪندو، حڪومت نجي شعبي جي حوصله افزائي ڪري رهي آهي.وفاقي ناڻي واري وزير چيو ته وزيراعظم ايڪسپورٽ ڊوالپمينٽ سرچارج ختم ڪرڻ جي هدايت ڪئي آهي، اسان پرائيويٽ سيڪٽر جون تجويزون ٻڌي رهيا آهيون، پرائيويٽ سيڪٽر جي سٺي تجويز تي جلد کان جلد ڪم ٿيندو. وزيراعظم ايڪسپورٽ ڊوالپمينٽ سرچارج ختم ڪرڻ جي هدايت ڪئي آهي. ايڪسپورٽ ڊوالپمينٽ سرچارج جي خاتمي جي ڪابينه مان منظوري لاءِ سمري اماڻي وئي آهي. پاليسي ريٽ گهٽ ٿيڻ جو قرض ادائيگي تي مثبت اثر پيو.