اسلام آباد (بيورو رپورٽ) ڊسٽرڪٽ اينڊ سيشن ڪورٽ 9 مئي سميت ٻين ڪيسز ۾ عمران خان ۽ بشريٰ بي بي جي ضمانت ۾ واڌ ڪري ڇڏي.اسلام آباد جي ايڊيشنل ڊسٽرڪٽ اينڊ سيشن جج محمد افضل مجوڪه پي ٽي آءِ باني جي خلاف 9 مئي ۽ ٻين 5 ڪيسز جي ٻڌڻي ڪئي. ٻڌڻي دوران عمران خان جي غير موجودگي سبب ضمانت تي درخواستن تي دليل نه ٿي سگهيا جنهن تي عدالت ايندڙ ٻڌڻي ۾ پي ٽي آءِ باني کي عدالت ۾ يا وڊيو لنڪ ذريعي پيش ڪرڻ جي هدايت ڪئي.عدالت ٻڌڻي کان پوءِ عمران خان ۽ بشريٰ بي بي جي ضمانت کان اڳ گرفتاري ۾ واڌ ڪندي ٻنهي کي 23 ڊسمبر تائين گرفتار ڪرڻ کان روڪي ڇڏيو. جنهن کان پوءِ عدالت ضمانت جي درخواستن تي ٻڌڻي 23 ڊسمبر تائين ملتوي ڪري ڇڏي.ياد رهي ته عمران خان جي خلاف 9 مئي قتل جي ڪيس، جعلي رسيدن سميت ٻيا ڪيسز داخل آهن جڏهن ته بشريٰ بي بي جي خلاف مبينه جعلي رسيدون جمع ڪرائڻ تي ڪيس داخل ٿيل آهي.