خيبر: (ويب ڊيسڪ) طورخم واپاري گذر گاهه ٻطرفي واپار جي لاءِ اڄ 25هين ڏينهن به بند آهي. ڪسٽمز ذريعن موجب واپاري گذر گاهه جي بندش سبب ڪارگو گاڏين جون ڊگهيون قطارون اڃان تائين برقرار آهن. امپورٽ، ايڪسپورٽ سميت ٽرانزٽ ٽريڊ جون هزاين ڪارگو گاڏيون مختلف هنڌن تي ڦاٿل آهن. اختيارين جو چوڻ آهي ته پاڪستان افغانستان کي سيمنٽ، دوائون، ڪپڙو، تازو فروٽ ۽ ڀاڄين سميت مختلف شيون برآمد ڪندو آهي جڏهن ته افغانستان مان ڪوئلو، سوپ اسٽون، خشڪ ۽ تازو فروٽ درآمد ڪيو ويندو آهي. ذريعن موجب طورخم واپاري گذر گاهه مان افغانستان روزاني 85 ڪروڙ روپين جو ٻطرفو واپار ٿيندو آهي. جنهن ۾ 58 ڪروڙ روپين جي ايڪسپورٽ ۽ 25 ڪروڙ روپيه ماليت جي درآمد شامل آهي. وڌيڪ ٻڌايو ويو آهي ته پاڪ افغان ٻطرفي واپار سان پاڪستاني خزاني کي روزاني 5 ڪروڙ روپيه حاصل ٿيندا آهن. اميگريشن ذريعن موجب ملڪ مان غيرقانوني طور تي رهائش پذير افغان شهرين کر مرحليوار ملڪ بدر ڪيو ويندو آهي ۽ انهي سلسلي ۾ طورخم سرحد کي افغان پناهگيرن جي ملڪ واپسي جي لاءِ ڏينهن اڳ کوليو ويو هو.