ممبئي(ويب ڊيسڪ)ڀارت ڏکڻ آفريقا کي 52 رنسن تان شڪست ڏئي آءِ سي سي ويمنز ورلڊ ڪپ جو ٽائيٽل پهريون ڀيروکٽي ورتو. ممبئي ۾ کيڏيل فائنل ميچ مينهن سبب دير سان شروع ٿي، پر اوورن ۾ ڪا به ڪٽوتي نه ڪئي وئي. ڏکڻ آفريقا ٽاس کٽي ڀارت کي پهرين بيٽنگ ڪرڻ جي دعوت ڏني، جنهن مقرر ڪيل 50 اوورن ۾ 7 وڪيٽن جي نقصان تي 298 رنس ٺاهيون. شفالي ورما 87 رنس، دپتي شرما 58 رنس ۽ سمرتي منڌانا 45 رنسون ٺاهيون. ڏکڻ آفريقا طرفان ايا بونگا ڪاڪا ٽي وڪيٽون حاصل ڪيون. جواب ۾ ڏکڻ آفريقا جي ٽيم 246 رنسن تي آئوٽ ٿي وئي. ڪپتان لورا وولوارٽ شاندار 101 رنسن جي اننگز کيڏي، جنهن ۾ 11 چوڪا ۽ هڪ ڇڪو شامل هو، پر هوءَ پنهنجي ٽيم کي فتح نه ڏياري سگهي. اينيري ڊريڪسن 35 رنسون ٺاهيون، جڏهن ته دپتي شرما چار ۽ شفالي ورما ٻه رانديگرن کي آئوٽ ڪيو. ڀارتي ٽيم پهريون ڀيرو آءِ سي سي ويمنز ورلڊ ڪپ جو ڪپ پنهنجي نالي ڪيو.