ڪراچي (ويب ڊيسڪ) ناليواري اداڪارا صبا قمر جي هڪ وڊيو سوشل ميڊيا تي وائرل ٿي رهي آهي، جنهن تي کيس تنقيد جو نشانو بڻايو پيو وڃي.
سوشل ميڊيا جي مختلف پيجز تي گردش ڪندڙ ان وڊيو ۾ صبا قمر کي سندس ميڪ اپ آرٽسٽ سان گڏ ڏسي سگهجي ٿو، جيڪو ان سان محبت جو اظهار ڪري ٿو.
ميڪ اپ آرٽسٽ صبا کي مخاطب ٿيندي چيو ته مداح اسان جي اسٽوريز کي ياد ڪري رهيا آهن، هاڻ توهان اسٽوريز ڇو نه ٿيون پوسٽ ڪيو، جنهن تي اداڪارا جواب ڏئي ٿي ته کيس نظر لڳي وئي آهي.
ميڪ اپ آرٽسٽ سوشل ميڊيا تي فالو ڪندڙ مداحن کي درخواست ڪري ٿو ته صبا لاءِ دعا ڪيو هوءِ بيمار آهي پر هاڻ اڳ کان بهتر ٿي رهي آهي.
ان وڊيو ۾ ميڪ اپ آرٽسٽ جي صبا قمر سان ايڏي هجت ڏسي سوشل ميڊيا واهپيدار اداڪارا کي تنقيد جو نشانو بڻائي رهيا آهن.