اسلام آباد-18 فيبروري (اي پي پي) انٽرنيشنل ڪرڪيٽ ڪائونسل جي انتظام هيٺ آءِ سي سي چيمپئنز ٽرافي جو نائون ايڊيشن اربع 19 فيبروري کان پاڪستان ۾ شروع ٿيندو جنهن ۾ 8 ٽيمون ايڪشن ۾ هونديون. پهرين ميچ پاڪستان ۽ نيوزي لينڊ وچ ۾ ڪراچي ۾ کيڏي ويندي، آءِ سي سي چيمپئنز ٽرافي جي نائين ايڊيشن جي ميزباني پاڪستان ۽ گڏيل عرب امارات ڪندا. آءِ سي سي چيمپئنز ٽرافي ۾ شامل 8 ٽيمن ۾ ميزبان دفاعي چيمپئن پاڪستان، بنگلاديش، افغانستان، ڀارت، نيوزي لينڊ، انگلينڊ، آسٽريليا ۽ ڏکڻ آفريقا شامل آهن. پاڪستان آءِ سي سي چيمپئنز ٽرافي جو دفاعي چيمپئن آهي. سمورين 8 ٽيمن کي 2 گروپس ۾ ورهايو ويو آهي. گروپ اي ۾ دفاعي چيمپئن پاڪستان، بنگلاديش، ڀارت ۽ نيوزي لينڊ جون ٽيمون شامل آهن جڏهن ته گروپ بي ۾ افغانستان، آسٽريليا، انگلينڊ ۽ ڏکڻ آفريقا جون ٽيمون شامل آهن. آءِ سي سي چيمپئنز ٽرافي جي پهرين ميچ گروپ اي جي ٽيمن پاڪستان ۽ نيوزي لينڊ وچ ۾ نيشنل ڪرڪيٽ اسٽيڊيم ڪراچي ۾ کيڏي ويندي. اها ميچ ڊي اينڊ نائٽ هوندي ۽ ٻنپهرن 2 وڳي شروع ٿيندي.