لنڊن (م ڊ) سنڌ جي گورنر ڪامران ٽيسوري پي ٽي آءِ باني عمران خان کي پنهنجو ايڊوائيزر تبديل ڪرڻ جو مشورو ڏئي ڇڏيو آهي. لنڊن ۾ صحافين سان ڳالهيون ڪندي سنڌ جي گورنر چيو ته پاڪستان جي معيشت ترقي ڪري رهي آهي ته هن وقت پرڏيهي پاڪستانين کي به پنهنجي ملڪ جي باري ۾ سٺا خيال رکڻ گهرجن. هڪ سوال جي جواب ۾ ڪامران ٽيسوري چيو ته پي ٽي آءِ باني عمران خان غلط جڳهه تي خط اماڻي رهيو آهي، هو پهريان پنهنجي ايڊوائيزر کي تبديل ڪري، پي ٽي آءِ باني گورنر هائوس ۾ لڳل اميد جي گهنٽي وڄائيندو ته واعدو ڪريان ٿو ته کيس جواب ڏنو ويندو. ڪراچي ۾ روڊ حادثن تي سنڌ جي گورنر چيو ته ڊمپر مافيا شهرين جي فوتگي جو سبب بڻجي رهي آهي. سنڌ حڪومت به سمجهي ته شهرين جي ڪاوڙ ڪنٽرول ۾ رکڻ هاڻ مشڪل ٿي ويو آهي.