سائنسدانن شمسي توانائي سان هلندڙ ڊيوائيس تيار ڪئي آهي جيڪا هوا مان گدلاڻ ڪڍي ان کي ڪارن ۽ جهازن لاءِ ٻارڻ ۾ تبديل ڪري سگهي ٿي.
يونيورسٽي آف ڪيمبرج جي محققن جي ٽيم هي نئون ري ايڪٽر ضيائي تاليف کان متاثر ٿي ڪري ٺاهيو آهي جنهن کي ماحول ۾ موجود ڪاربن ڊاءِ آڪسائيڊکي سن گيس ۾ تبديل ڪرڻ جي لاءِ ڪنهن تار يا بيٽري جي ضرورت ناهي پوندي.
محققن جو چوڻ آهي ته هي ري ايڪٽر موسمياتي بحران لاءِ هڪ نئون حل پيش ڪندي ڪاربن ڪڍڻ ۽ ذخيرو ڪرڻ جي موجوده ٽيڪنالوجيز (سي ايس ايس) جو متبادل فراهم ڪري ٿو.
سي سي ايس کي موسمياتي تغير جي اثرن کي گهٽ ڪرڻ يا ختم ڪرڻ جي لاءِ هڪ طريقو قرار ڏنو وڃي ٿو ۽ تازو برطانوي حڪومت ان ٽيڪنالوجي جي لاءِ 22 ارب پائونڊز مختص ڪيا آهن.
موجوده سي سي ايس طريقيڪار تي تمام گهڻي توانائي جي کپت جي ڪري تنقيد ڪئي ويندي آهي ان کانسواءِ زمين اندر پريشرائزڊ ڪاربن ڊاءِ آڪسائيڊ کي ذخيرو ڪرڻ جي حوالي سان خدشن کي پڻ منهن ڏنو پئي ويو.