پشاور (ويب ڊيسڪ)خيبر پختونخواه جي ڪرم، مهمند ۽ لڪي مروت ضلعن ۾ سيڪيورٽي فورسز جي ڪارروائين ۾ هندستان جاحمايت يافته فتنھ الخاارج جا 30 دهشتگرد مارجي ويا.انٽر سروسز پبلڪ رليشنز (آءِ ايس پي آر) موجب، سيڪيورٽي فورسز خارجين جي موجودگي جي اطلاع تي خيبر پختونخواه جي ڪرم ضلعي ۾ هڪ ٽارگيٽيڊ آپريشن ڪيو ۽ خارجين جي ھنڌن کي موثر طريقي سان نشانو بڻايو، آءِ ايس پي آر چيو ته سيڪيورٽي فورسز جي ٻن الڳ الڳ ڪارروائين ۾ هندستان جي حمايت يافته فتنھ الخارج جا 23 دهشتگرد مارجي ويا.آءِ ايس پي آر موجب ڪرم ۾ هڪ ڪارروائي ۾ شديد فائرنگ جي تبادلي ۾ 12 خارجي مارجي ويا، جڏهن ته انٽيليجنس جي بنياد تي ٻئي ڪارروائي ۾ 11 خارجي مارجي ويا، آءِ ايس پي آر موجب مهمند ۾ ڪارروائين ۾ فتنھ الخارج جا 4 دهشتگرد لڪي مروت ۾ فائرنگ جي تبادلي ۾ 2، جڏهن ته هڪ ٽينڪ ۾ هڪ خارجي دهشتگرد مارجي ويو.وزيراعظم شهباز شريف ۽ وفاقي گهرو وزير محسن نقوي ڪامياب آپريشنز تي سيڪيورٽي فورسز کي خراج تحسين پيش ڪيو آهي.وزيراعظم شهباز شريف چيو آهي ته ملڪ مان دهشتگردي جي لعنت جي مڪمل خاتمي تائين جنگ جاري رهندي.