ڪراچي: (رپورٽر) ڪيماري جي ڪي پي ٽي گرائونڊ ڀرسان فائرنگ ۾ هڪ شخص جي قتل کان پوءِ جيڪسن پوليس کي قتل جي هڪ ٻي واردات جي اطلاع ملي، جنهن ۾ هڪ عورت جي لاش گهر مان ملي.پوليس موجب عورت کي مٿي ۾ گولي هڻي قتل ڪيو ويو. مقتوله جي سڃاڻپ 25 ورهين جي مريم نالي سان ٿي، جنهن جي لاش کي سول اسپتال منتقل ڪيو ويو آهي.ابتدائي جاچ ۾ پوليس جو چوڻ آهي ته مرد ۽ عورت جي فائرنگ سان ٿيل قتل هڪ ئي وقت لڳي ٿو. پوليس ذريعن موجب مقتول ۽ مقتوله هڪ ٻئي کي سڃاڻيندا هئا، ۽ ٻڌايو پيو وڃي ته ٻنهي کي غيرت جي نالي تي قتل ڪيو ويو آهي.