لاهور- آءِ سي سي چيمپئنز ٽرافي کيڏڻ لاءِ آسٽريلين ڪرڪيٽ ٽيم 2 جٿن ۾ پاڪستان پهچي وئي آهي. آسٽريلين ڪرڪيٽ ٽيم جو ٻيو جٿو به لاهور پهچي ويو. 15 رانديگرن سميت 17 رڪني جٿو ڪولمبو کان دبئي رستي لاهور پهچي ويو. پي سي بي چيئرمين مطابق لاهور پهچندڙ آسٽريلوي رانديگرن ۾ مارنس لبوشين، گلين ميڪسويل، ٽريوس هيڊ، ميٿيو شارٽ ۽ ايڊم زمپا شامل آهن. آسٽريليا آءِ سي سي چيمپئنز ٽرافي ۾ پنهنجي پهرين ميچ روايتي حريف انگلينڊ خلاف 22 فيبروري تي قذافي اسٽيڊيم لاهور ۾ کيڏندي. آءِ سي سي چيمپئنز ٽرافي ۾ آسٽريليا ٻي ميچ 25 فيبروري تي سائوٿ آفريقا خلاف راولپنڊي ڪرڪيٽ اسٽيڊيم ۾ کيڏندي. آسٽريليا آخري گروپ ميچ 28 فيبروري تي افغانستان خلاف قذافي اسٽيڊيم لاهور ۾ کيڏندي.