قصور: (ويب ڊيسڪ) قصور جي علائقي ۾ هڪ افسوسناڪ واقعو پيش آيو آهي، جتي پٽ پنهنجي والده کي صرف انهي جي ڪري قتل ڪري ڇڏيو ته هن ٻئي شادي ڪئي هئي.پوليس موجب صوبيه بي بي تازو ئي ٻئي شادي ڪئي هئي جنهن تي سندس پٽ ذيشان کي سخت ڪاوڙ هئي. انهي ڪاوڙ ذيشان کي ايتري قدر مڇرائي ڇڏيو جو هن پنهنجي ماءُ کي ڪهاڙين جا وار ڪري حياتي کسي ڇڏي. صوبيه بي بي جي ٻئي شادي ڪرڻ کان پوءِ ذيشان کي ڪاوڙ آئي جنهن تان هن پنهنجي ماءُ کي قتل ڪرڻ جو ارادو ڪيو. گذريل ڏينهن جوابدار ذيشان پنهنجي والده کي ڪيلن جي فصل ۾ گهرائي ڪهاڙي جي وار ڪري قتل ڪري ڇڏيو. اهو واقعو قصور جي علائقي ۾ پيش آيو جتي ذيشان پنهنجي والده کي ڪهاڙين جا وار ڪري بيدردي سان قتل ڪري ڇڏيو.صدر ٿاڻي قصور جي پوليس فوري طور تي واقعي واري هنڌ پهچي لاش کي قبضي ۾ وٺي ڇڏيو جنهن کان پوءِ قانوني ڪارروائي شروع ڪئي وئي آهي. پوليس جوابدار ذيشان کي به گرفتار ڪري ورتو آهي ۽ انهي جي خلاف قتل جو ڪيس داخل ڪري وڌيڪ جاچ ڪئي پئي وڃي.