ڪراچي (ويب ڊيسڪ) ثقافت کاتي سنڌ جي وزير ذوالفقار شاهه الزام لڳايو آهي ته گورنر هائوس جي نگراني هيٺ هلندڙ ليجنڊ ٽرسٽ ۾ وڏي پيماني تي ڪرپشن ٿي آهي، جنهن مان هن وقت تائين 6 ڪروڙ رپين کان وڌيڪ رقم جعلسازي ذريعي ڪڍرائي وئي آهي.
ذوالفقار شاهه جو چوڻ آهي ته ٽرسٽ جو ڪم حقدار فنڪارن ۽ اداڪارن جي مالي سهائتا ڪرڻ آهي، پر جعلسازي ذريعي ثقافت کاتي جو ليٽر پيڊ استعمال ڪيو ويو ۽ بئنڪ مان چيڪ بڪ ٺهرائي رقم ڪڍرائي وئي، جنهن سان غريب ۽ مستحق فنڪارن جي حق تي ڌاڙو هنيو ويو.
هن وڌيڪ چيو ته وڏي وزير ۽ چيف سيڪريٽري کي معاملي کان آگاهه ڪيو ويو آهي ۽ اينٽي ڪرپشن اسٽيبلشمينٽ کان مڪمل جاچ ڪرائي ويندي.