اسلام آباد (ويب ڊيسڪ) صدر آصف علي زرداري چيو آهي ته پاڪستان تاجڪستان کان بلوچستان تائين پاڻي آڻڻ تي غور ڪري رهيو آهي، تاجڪستان مان پاڻي آڻڻ لاءِ گڏيل عرب امارتن جي سهڪارن سان فزيبلٽي اسٽڊي مڪمل ڪئي وئي آهي.
”علائقائي رابطا ۽ پاڪستان: اڀرندڙ موقعا“ جي موضوع تي بين الاقوامي ڪانفرنس کي خطاب ڪندي آصف علي زرداري چيو ته سي پيڪ ۽ گوادر پورٽ علائقائي واپار ۽ خوشحالي ۾ اهم ڪردار ادا ڪندا، پاڪستان چين، وچ ايشيا ۽ اوڀر ايشيا کي جوڙڻ لاءِ قدرتي واپاري راهداري آهي.
هن چيو ته ڊگهي قيد دوران گوادر پورٽ جو چين سميت دوست ملڪن سان گڏيل اقتصادي مرڪز طور تصور ڪيو، سي پيڪ ۽ گوادر اسان جي ايندڙ نسلن لاءِ فائديمند ثابت ٿيندا.