لاهور- انگلينڊ جي ڪرڪيٽ ٽيم آءِ سي سي چيمپئنز ٽرافي ۾ شرڪت لاءِ پاڪستان پهچي وئي. انگلينڊ جي ڪرڪيٽ ٽيم ڪپتان جوز بٽلر جي قيادت ۾ لاهور پهچي وئي. پي سي بي ترجمان مطابق انگلينڊ ڪرڪيٽ ٽيم جي رانديگرن ۽ اسٽاف سميت 31 رڪني جٿو دبئي رستي لاهور پهتو. هيڊ ڪوچ برينڊن مڪ ڪلم سميت انگلينڊ ڪرڪيٽ ٽيم جو مئنيجنگ ڊائريڪٽر رابرٽ به ٽيم سان گڏ پاڪستان پهچي ويو. انگلينڊ جي ڪرڪيٽ ٽيم آءِ سي سي چيمپئنز ٽرافي ۾ پنهنجي گروپ ميچ لاهور ۽ ڪراچي ۾ کيڏندي. انگلينڊ جي ڪرڪيٽ پنهنجو افتتاحي ميچ 22 فيبروري تي روايتي مخالف آسٽريليا خلاف قذافي اسٽيڊيم لاهور ۾ کيڏندي. انگلينڊ جي ٻين ميچ افغانستان خلاف 26 فيبروري تي لاهور ۾ شيڊول آهي. انگلينڊ پنهنجي ٽئين ۽ آخري گروپ ميچ پهرين مارچ تي ڏکڻ آفريقا خلاف نيشنل اسٽيڊيم ڪراچي ۾ کيڏندي.