اسلام آباد (بيورو رپورٽ)خصوصي سيڙپڪاري سھولت ڪائونسل (ايس آءِ ايف سي) جي اثرائتي سھولتڪاري بليو اڪانامي مان فائدو کڻڻ جي حڪمت عملي تيار ڪري ورتي آھي، سامونڊي معاملن بابت پاڪستان جو ”ميري ٽائيم ايٽ 100“ پروگرام، 2047ع تائين پاڪستان کي بليو اڪانامي حب بڻائڻ جي عزم جو مظھر آھي. پاڪستان شپنگ ۽ مهاڻن جي شعبن مان فائدو حاصل ڪرڻ لاءِ 100 ارب ڊالرن جي ترقياتي منصوبن جي شروعات ڪري ڇڏي آھي، ايندڙ ٽن سالن ۾ پاڪستان نيشنل شپنگ ڪارپوريشن جي ٻيڙن ۾ وڌيڪ 15 جھاز شامل ڪيا ويندا. پورٽ قاسم ۾ پھرين گرين شپ ريپئر ۽ ري سائيڪلنگ يارڊ ”سي ٽو اٽيل“ جي قيام جو فيصلو ڪيو ويو آھي. گڏاڻي شپ بريڪنگ يارڊ ۾ 43 ملين ڊالرن جو جديد پروگرام حفاظتي معيار کي يقيني بڻائيندو. نيشنل پاليسي 2025ع کان 2035ع تحت روانگي واپار، ڊيپ سي فشنگ ۽ جديد سھولتن جي فراھمي کي يقيني بڻايو پيو وڃي. قومي شپنگ ٻيڙو مستحڪم ٿيڻ سان ملڪي روانگي واپار ۽ ناڻي جي ذخيرن ۾ اضافو ٿيندو، منصوبي سان سيڙپڪاري ۽ سامونڊي صنعت ۾ روزگار جا وڏا موقعا پيدا ٿيندا. ايس آءِ ايف سي جي مدد سان بليو اڪانامي منصوبو ملڪي معيشت جي بحالي ۾ نمايا ڪردار ادا ڪري رھيو آھي.